“بالفيديو “حميدتي: بنسمع السودان سلة غذاء العالم كله احلام نحفر في الذهب وجعانين وناس اللحم ما بتشموا وبنرخص نفسنا في صادر الماشية

الخرطوم “تاق برس ” – قال نائب رئيس مجلس السيادة الانتقالي في السودان محمد حمدان حميدتي السبتْ بنسمع ان السودان سلة غذاء العالم كله احلام مافي حاجة على ارض الواقع نحن قاعدين نفجر في الذهب وقاعدين جعانين”

وخاطب حميدتي ورشة ازمة صادرات الماشية وخارطة الحلول التي نظمتها وحدة مصدري الماشية اليوم السبت، واكد خلو السودان من مرض حمى الوادي المتصدع.

وقال حميدتي “ما حرام نحن عندنا 180 مليون راس او 200 مليون راس والسعودية بالطائرة من بورتسودان ربع ساعة تمشي طائرة 14 ساعة عشان تجيب لحوم من بلد تاني”.

واشار الى ان المشكلة تكمن في ضعف البنية التحتية وتحسين النسل والمسافات الطويلة التي تقضيها الماشية مشيا والرعاة، واقر بان الامر يحتاج لامكانيات لكن السودان لديه مراعي واسعة وصالحة تجعله يواكب الصادر العالمي لذلك لابد من الاهتمام بالاعلاف وتغذيتها لتزيد الانتاجية.

وقال حميدتي” في ناس بتتكلم عن حق الانترنت وهنالك ناس لا تجد مياه للشرب”، واستشهد برعاة الماشية وقال ان البشر والجمال والحمار والكلب والماشية جميعهم يشربوا من بركة مياه واحدة والناس تطالب بحق الانترنت، ” واردف” مش كان يطالبوا بحقهم في مياه الشرب النظيفة”

وقال مخاطبا المصدرين ” انتم تتحدثون عن مصالحكم ولم تتحدثوا عن مصلحة البلاد وكل واحد يتحدث عن صادر ماشيته الذي لم يتم تصديره وخسارته، نريد ان نتخرج بحلول حزرية حتى لا يخسر اي مصدر ماشية لمصلحة البلاد.

وقال حميدتي” اللحوم وصل سعر الكيلو 800 جنيه وقفوا يومين ثلاثة خلو الناس تشم اللحمة شوية في ناس شم ما بشموا”.

وطالب حيمدتي بمراعاة وشروط ومواصفات المملكة العربية السعودية في صادر الماشية، واضاف نجيب الفي استراليا من تقنية ونعمله نحن ما بنستاهل.

واضاف “السودان على رجال الاعمال ما تقولوا لي حكومة لو اخلصتوا وعندكم وطنية بنمرق البلد ولو بقيتو بتاعين مصالح ودايرين لي روحكم حتجروا وما بتنجو وبتخسروا”.

واضاف” الدولة التكل على الله وعلى رجال الاعمال عشان نمرق لي قدام”.

وقال لا نريد ان تعود بواخر نريد ان نصدر الماشية ، وزاد ” نريد ان نوقف التجار البشحنوا ويحنسوا وتجيهم الماشية راجعة، ..حدنا معاها تقطع البحر تاني ما بترجع نقول لي المستورد حدنا معاك البحر”.

وامتدح حميدتي صادر اللحوم السودانية وقال انها لحوم طازجة ونظيفة طرية و”فريش” مفروض تباع بي 50 دولار، وزاد ” لكن نحن رامين روحنا برانا ومرخسين نفسنا في الصادر البقيف معانا منو وقت ترخس روحك زول برفعك مافي”.

واضاف نريد ان نتفق على مصالح مشتركة مع السعودية في صادر الاعلاف ونعرف اين تذهب امواله وتترك في السعودية والامارات ، واضاف” اكثر شي بكمل المياه الجوفية لذلك لابد ان يكون فيه عائد صادر للسودان بنسبة 70% على الاقل ، غير ذلك يتوقف، لانه الموضوع مصلحتي ومصلحتك ما عشان سواد عيون زول ولو مافي مصالح البلد دي حتقعد جعانة ورخيصين لي يوم القيامة”.

ودعا دلقو الى  تلبية وحل الاشتراطات التى تطلبها السعودية لصادر المواشي السودانية الذي يمثل اكبر سوق لصادرات الماشية .

وطالب بضرورة التعاون بين القطاع الخاص والعام وذلك بتمثيل حق المواطن والدولة  في عملية الصادر، مشييرا الي أن الدولة ستعمل على تشييد المحاجر وفقا للمواصفات العالمية وذلك لتلافي عملية إعادة صادر الماشية .

 ودعا المصدرين الى تحمل مسئولياتهم تجاه مشاكلهم ،  مضيفا ان الدولة ستقف الى جانبهم  ومساعدتهم في حل قضاياهم كافة

واكد دقلو أن توصيات هذه الورشة ستجد منهم كل الاهتمام والعناية.