نائب رئيس المجلس العسكري في اول تصريحات عن أموال السودان في عهد البشير
قال نائب رئيس المجلس العسكري الفريق أول محمدحمدان دقلو ،إن شركات كبرى ومبالغ بمليارات الدولارات ستؤول للدولة .
وأضاف :” الناس الآن البتشتغل وجارية ديل دايرين يحموا مصالحهم لكن أخير يقنعوا ويسلموا الآن في شركات كبيرة جداً ومليارت الدولارات حتمشي للدولة”.
وكشف عن قيامهم بفتح حسابات في بنك السودان وأردف :”نحن فتحنا حسابات في بنك السودان ،حساب توفير لبنك السودان ،أي قرش بيجي من برة بيمشي لبنك السودان ، ووزارة المالية مافي زول في المجلس بيستلم ليهو قرش” .
وزاد:” اكتشفنا إنو القروش دي زمان مابتنزل “مؤكداً أنه لايطمع في منصب الرئيس وإنما الدعم السريع فقط ، ورد حميدتي خلال مخاطتبه ضباط أمس الإثنين على المشككين في استلام المجلس للسلطة بأنها مسرحية قائلاً: ” نحن ما بنغش” وماعندنا مسرحية ، وماعندنا شي عشان نعمل منو مسرحية نحن دايرين البلد تمرق لي بر الأمان ” .
وشدد على أن مُهمتهم هي حماية السودان ،وقال : ” صحيح في تجاوزات ومخالفات كبيرة وفي حاجات غير أخلاقية لكن نتماشي معاهم لحدي ما نطلع البلد لبر المان ومابنسمح بالفوضي ” .
وأردف :” أولويتنا الناس ديل نتفق معاهم لكن نتفق معاهم برأي الشعب السوداني كلو مافي زول بنفرد براهو ومافي زول بيملي علينا “.
ودعا لتشكيل حكومة تكنوقراط من الكفاءات مشدداً على أنهم لن يقبلوا بتصفية الحسابات لأنهم يحتكمون إلى دولة القانون .
